"BhaRka rahay hain aag lab e Naghma gar say hum"


BhaRka rahay hain aag lab e naghma gar say hum
Khamosh kiya rahein gay zamanay kay dar say hum

Kuch aur barh gayay jo andheray tou kiya hua
Mayoos tou nahin hain talou e sahar say hum

Lay day kay apnay pass faqat ik nazar tou hai
Kiyoun dekhain zindagi ko kisi ki nazar say hum

Mana keh iss zameen ko na gulzar kar sakay
Kuch khar kum tou kar gayay guzray jidhar say hum





                                       Abdul Haye Sahir.